Gizartea -
Ezbeharra
Sei solairuko eraikin bat jendez hustu dute Bilbon, sute bategatik
03:10ean gertatu da ezbeharra Bizkaiko hiriburuko Pau Casals etorbideko etxebizitza eraikin batean. Sutean ez da inor zauritu.
AGENTZIAK | ERREDAKZIOA
Bilboko etxebizitza eraikin bat jendez hustu dute astelehen honetan, sutea izan baita, Segurtasun Sailak jakitera eman duenez. Ezbeharrean ez da inor zauritu.
Sutea 03:10ean jazo da, Pau Casals etorbideko sei solairuko etxebizitza eraikin batean.
Abisua jasotakoan, suhiltzaileak bertaratu dira, eta 04:00etarako itzalita zuten sua. Ondorioz, bizilagunak etxera itzuli ahal izan dira.