Gizartea -
Nafarroa
63 urteko gizon bat hil da Ihabenen, konpontzen ari zen teilatutik erorita
Istripua 20:00ak aldera gertatu da. Hildakoa eraikinaren jabea da. Gizona sei bat metroko altueratik erori da.
eitb.eus
63 urteko gizon bat hil da Ihabenen (Nafarroa), konpontzen ari zen teilatutik erorita. Hildakoa eraikinaren jabea da.
Istripua 20:00ak aldera gertatu da, Foruzaingoak jakitera eman duenez.
Iruñerriako foruzainak bertaratu dira, eta gertatutakoa argitzeko ikerketa abiatu dute.
Diario de Navarra-k zehaztu duenez, gizona sei bat metroko altueratik erori da.
Osasun-langileak biktima suspertzen saiatu dira; izan ere, heldu direnean gizona oso larri zegoen, baina bizirik. Hala ere, alferrikakoa izan da, handik gutxira hil egin baita, komunikabide berdinak azaldu duenez.