Argindarra eta trafiko mozketa Donostian, sute eta eztanda batengatik

Gertaera 11:00ak aldera jazo da, Ertzaintzak aditzera eman duenez. Auzokide batek abisua eman ostean, Polizia Munizipala eta suhiltzaileak Donostiako Antso Jakitunaren Hiribidera bertaratu dira, kaleko 4. atalondoan ke ugari zegoelako. Bertan ez inor bizi.

Eraikinaren galdararen atea ireki dutenean, "suak hartu duen gasolio isuri ez oso handia" zegoela ohartu dira. Sutea su-itzalgailu batekin amatatu eta zonaldea aireztatu dute.

Momento hartan, kale bereko 16. atalondoaren parean, Anoeta norabideko errepidean, gas leherketa bat jazo da. Antza, Iberdrolaren hodi elektrikoen barneko gasak eztanda egin du. Sutea berez itzali da eta ez du inor zauritu.

Eztandaren arrazoiak oraindik argitzeke daude. Gertakarien ondorioz, Antso Jakituna Hiribidearen trafikoa eta argindarra moztu dute.