Bigarrenez desegin dute Areatzan migratzaileei elkartasuna agertzeko kanpaldia

Udaltzaingoak bigarrenez desegin du bart Ongi Etorri Errefuxiatuak plataformak igandetik asteazkenera bitartean antolatutako kanpaldia.

Ongi Etorri Errefuxiatuak plataformaren kanpaldia Areatzan — Ongi Etorri Errefuxiatuak taldearen kanpaldia. EiTBren irudietatik ateratako pantaila-irudia

EITB.EUS

azken eguneratzea: 2018/10/16 07:04 (UTC+2)

Bart, Bilboko Udaltzaingoak bigarrenez desegin du Ongi Etorri Errefuxiatuak plataforma migratzaileei elkartasuna agertzeko Areatzan egiten ari den kanpaldia.

Igandean hasi eta asteazkenera bitartean, 72 orduko kontzentrazioa egiten ari dira Areatzan, migratzaileei elkartasuna adierazteko eta erakundeek iragarritako neurriak nahikoak ez direla salatzeko.

Bart gauean igande gaueko irudiak errepikatu dira Bilboko Areatzan. Udaltzaingoa bertaratu da eta kanpaldia desegin du, Ertzaintzak lagunduta.

Juan Mari Aburto alkateak atzo esandakoaren arabera, Ongi Etorri Errefuxiatuak plataformak Eusko Jaurlaritzako Segurtasun Sailaren baimena zuen igande arratsaldetik asteazkenera arte elkarretaratzea egiteko, baina ez kanpaldia egiteko.

Hau zure interesekoa bada, baliteke beste gai hauek ere izatea

Bilboko Udala Bilboko azken albisteak Migrazioaren albisteak Bizkaia Gizartea albisteak Juan Maria Aburto Albisteak Gaur Eguneko albisteak

Bigarrenez desegin dute Areatzan migratzaileei elkartasuna agertzeko kanpaldia

Esteka kopiatuta