Bikotekideari erasotzeagatik atxilotu dute, Bilbon

Bilboko ertzain-etxeko agenteek 31 urteko gizonezko bat atxilotu zuten atzo , arratsaldean ustez bikotekideari egindako sexu-eraso eta genero-indarkeria delituak egotzita, Herrizaingo Sailak adierazi duenez.

Atzo arratsaldeko 16:30ean, emakumezko batek Ertzaintzara deitu zuen bikotekideak tratu txarrak eman berri zizkiola salatzeko; Bilboko San Frantzisko auzoko etxebizitza batean gertatu omen zen guztia.

Emakumezkoak bikotekidea irainka hasi zitzaiola adierazi zien ertzainei eta hainbat kolpe ere eman zizkiola. Halako batean, erasotzailearengandik ihes egitea lortu zuen eta SOS Deiaken 112 telefonora deituz laguntza eskatu zuen.

Horrez gain, aurreko gauean ere liskarra izan zutela eta ostean, sexu-erasoa egin ziola jakinarazi zien; gutxietsi eta mehatxatu ere egin omen zuen. Biktimak sorbaldan lesioak zituela egiaztatu zuten ertzainek eta berehala atxilotu zuten ustezko egilea.