Gizon bat hil da Plentzian autoak zuhaitz baten aurka talka eginda

48 urteko gizonezko bat hil da Plentzian (Bizkaia) autoa bidetik irten eta zuhaitz baten aurka talka egin ostean, Ertzaintzak jakinarazi duenez.

Ezbeharra eguerdiko hamabiak jotzeko minutu batzuk falta zirenean jazo da Mungia bidean.

Ertzaintzaren hainbat auto eta Gurutze Gorriko anbulantzia bat bertaratu dira. Gidaria suspertzen saiatu dira, baina bertan hil da.

Ertzaintza ezbeharraren nondik norakoak ikertzen ari da.