Gizartea -
Donostia
Pertsona bat zauritu da, Kontxako pasealekuan furgoneta bat bidetik irten ostean
Bidegorria eta espaloia zeharkatu, eta baranda kontra jo du. Zauritua Donostia Ospitalera eraman dute.
Agentziak | Erredakzioa
Pertsona bat zauritu da Donostian izandako auto-istripu batean. Kontxako pasealekuan, Antiguako noranzkoan, furgoneta bat bidetik irten da.
Donostiako Udalak informatu duenez, 09:30ean bidetik irten da ibilgailua, bidegorria eta espaloia zeharkatu ditu, eta barandaren kontra jo du.
Pertsona bat zauritu da istripuan, eta Donostia Ospitalera eraman dute.
Suhiltzaileek bidetik kendu dute ibilgailua.