Gizartea -
GERTAKARIA
Ondarroan desagertutako arrantzalearen bilaketa lanak bertan behera utzi dituzte
Iluntze aldera bertan behera utzi dute operatiboa, baina astelehenean abiatuko dute berriro. Igande goizaldeaz geroztik dago arrantzalea desagertuta.
AGENTZIAK | ERREDAKZIOA
Arrasateko 44 urteko arrantzalearen bilaketa-lanak bertan behera utzi dituzte gaurko Ondarroan, Segurtasun Sailak jakitera eman duenez. Dena dela, operatiboa bihar abiatuko dute berriro.
Goizalde honetaz geroztik dago arrantzalea desagertuta. 02:30ak aldera, desagertutakoaren lagun batek eman du abisua. Antza, kai-muturrean arrantzan ari zen, baina goizaldean desagertu egin da. Bere kanabara aurkitu dute, arrantzan ari zen lekuan bertan.
Ertzaintzako urpekariak, helikoptero bat, Itsas Salbamendurako taldeak eta Gurutze Gorriko kideak ingurua arakatzen ibili dira egunean zehar, gizonezkoaren bila.