Gizartea -
Murtzia
Bi pertsona hil dira Cartagenan, etxe batean izandako tiroketan
Dirudienez, bi banda etsairen arteko borroka bat izan da eta erasotzailea atxilotu egin dute eta oso larri zaurituta dago.
Erredakzioa
Dirudienez, atariko ikerketek diote droga trafikatzen duten bi talderen arteko borroka bat izan dela. Espainiako Poliziaren GEO taldeak esku hartu behar izan du borroka geldiarazteko.
00:30etan hasi dira tiroak eraikin batean eta berehala jendez hustu dute eta polizia-hesia jarri dute.
Poliziaren erasoaren ondorioz, pertsona bat gehiago hil da eta orotara bi dira hildakoak, eta beste hainbeste lagun atxilotu dituzte. Gainera, gizon bat oso larri zauritu da buruan tiroa jasota eta ospitalera eraman dute.
Perpetuo Socorro ospitale pribatuaren ondoan izan da tiroketa eta izu handia zabaldu da 220tik gora gaixo baitaude bertan.
Hori horrela, poliziak ospitalean sartu dira frankotiratzaile lanak egitera.