Isuna jarri diote gizon bati bikotekidearen alabetaz abusatzeagatik

Nafarroako Auzitegiko bigarren sekzioak 3.000 euroko isuna ezarri dio gizon bati bikotekidearen alabei, bi adingaberi sexu-abusuak egiteagatik.

Halaber, datozen bost urteetan ezin izango da umeetatik 500 metrora hurbildu, eta 6.000 euro eman beharko dizkio bakoitzari eginiko kalte moralak ordaintzeko.

Gizona behin-behineko askatasunean dago urtarrilaren 20tik, 241 egun kartzelan izan ostean; prozesatuak ez dauka zigor-aurrekaririk, eta adingabeen amarekin bizi izan zen sei urtez, hasiera batean Bolivian, eta ondoren, Iruñan.

Epaiaren arabera, elkarrekin bizi izan zirinean emakumeak gauez lan egiten zuen eta gizonak 9 eta 6 urteko umeak zaintzen zituen; "orduan egiten zituen gizonak sexu-abusuak".

Adigabeek ez zioten ezer esan amari; nagusienak "ez zekielako nola azaldu", eta gazteenak "defentsa tresna" bezala isilik jarraitu zuelako.

Dena den, jazoerak frogatuak gelditu dira epaian; izan ere, prozesatuak bereak onartu zuen Fiskaltzaren zigorra.