Gizartea -
Gertakaria
Zumaiako eraikin bat hustu dute gauean sute baten ondorioz
Goizeko ordubiak aldera piztu da sua sei solairutako eraikin batean. Sua zerk eragin duen ikertzen ari dira, baina bizilagunak euren etxeetara itzuli dira.
Erredakzioa
Goizeko ordubiak aldera piztu da sua Zumaian, Basadi auzoan dagoen eraikin batean. Herrizaingo sailak adierazi duenez, sei solairutako eraikina hustu egin behar izan dute, baina zorionez inork ez du minik hartu. Antza denez, sua eraikineko laugarren solairuko etxebizitza batean piztu da, baina oraindik ez dago argi zerk eragin duen.
Suhiltzaileek ordu erdi inguru behar izan dute garrak itzaltzeko. Bizilagun guztiak, sua piztu den etxekoak izan ezik, euren etxeetara itzuli dira.
Hau zure interesekoa bada, baliteke beste gai hauek ere izatea