Gizartea -
Trafiko istripua
Kamioi batek zama galdu du Idiazabalen eta hiru ordutik gorako pilaketak eragin ditu
Kamioi gidaria Zumarragako ospitalera eraman dute, arin zaurituta.
Agentziak | Erredakzioa
Fruta zeraman kamio bat irauli da Etxegarate gainean, Idiazabalen (Gipuzkoa). Zama errepidera erori da eta auto pilaketak eragin ditu. Arratsaldeko 18:00ak igarota, hiru ordutik gorakoak ziren ilarak.
Istripua 14:55ean gertatu da, N-1 errepidean, Idiazabalen. Ondorioz, kamioi gidaria Zumarragako ospitalera eraman dute, arin zaurituta.
Kamioiak eta kargak errepidea oztopatzen dute eta errei bat itxi behar izan dute, Madrilgo noranzkoan. Trafiko Zuzendaritzak jakitera eman duenez, erreiak itxita jarraituko du, gauean zehar zama kentzeko lanak burutu arte.
Hau zure interesekoa bada, baliteke beste gai hauek ere izatea