Goierri

Urtero bezala, udaberriarekin batera, larreetatik kalera jaitsi dituzte ardiak eta jendetza batu da Ordiziako kaleetan, ikuskizuna ikustera. Edorta Lamo sukaldariak izan du aurtengo lehen gazta mozteko ohorea. Omendua berriz, Arantzazuko Gomiztegi Artzain Eskola izan da.

2021etik bidaiari profesionalak dira Josune Herencia zumaiarra eta Bittor Tena urretxuarra. Mochileros Meraki proiektua dute abian, hau da, hainbat herrialdetara taldeko bidaiak antolatzen dituzte urtero. Euren proiektuaren nondik norakoak azaldu dituzte.

Korrikaren 10. egunean, Goierriko hainbat herritatik igaroko da Korrika, eta 18:00ak pasatxo direnean iritsiko da Donostiara.

Xabi Zurutuzak debuta egingo du Munduko Txapelketako Moto3 mailan. Hala ere, hirugarren lasterketara arte ezingo du parte hartu. Dena den, Xerezen hiru egun eman ditu testak egiten, eta sentsazio onekin amaitu du. Eroriko baten ondorioz min ere egin du, baina lehiarako prest dago.

Athleticzaleak ez daude Bizkaian bakarrik, mundu osoan daude, baita Gipuzkoan ere, hala nola Lazkaon. Bertakoa da Jon Agirre, umetatik da talde bilbotarraren zalea, eta gaurko partidua bere herrian nola ikusiko duen kontatu du.

Legazpiko pilotua, Moto3ko munduko txapelketan estreinatzear da. Oraindik ez da adin nagusikoa, beraz, 18 urte bete arte ezingo du lehenengo lasterketetan parte hartu. Bien bitartean, Portimaoko zirkuituan egon da lehiaketarako prestakuntzekin jarraitzeko. Datorren astean Jerezera joango da.

Zeraingo Mendarte baserrira joan gara brokolia jasotzera eta Iñaki Intxaustik garaiko barazki honi buruzko xehetasunak eman dizkigu. Zer jakin behar dugu brokolia lantzeko?

Oier Txapartegik Zaldibiako Arrese jatetxearen funtzionamendua azaldu digu. Ondoren, Anartz Zinkunegi sukaldariak kokotxa eta bakailaoa saltsa berdean kozinatu digu pausoz pauso.

Bertan, Legazpiko pilotuari proba fisikoak egin dizkiote, eta erakutsi du une oso egokian dagoela; entrenamendu programa egokitu bat hasiko da lantzen, apirilean hasiko duen denboraldiari sasoi bete-betean aurre egiteko. Moto3n debuta egingo du.

Goierriko interpretazio zentroa izateaz gain, D'elikatuz-en ikastetxe askorekin lan egiten dute elikadura osasuntsuaren gaia lantzeko. Ikasleak azokara joaten dira, garaiko produktuak erostera eta baserritarrekin hartu-emana zuzena izateko. Azokaren interpretazio gune bihurtzea dute helburu.

Julen Irurzun Lazkaoko Oreka okindegiko okinak bertan egiten duten errege-opilaren errezeta eman eta nola egiten duten azaldu digu. Horren hitzetan, ehunka opil egiten dituzte Gabonetan, baina urtean zehar ere egiten dituzte noizean behin, arrakasta handia baitute.

Arantxa Garmendia Lazkaoko Astotxo Eguneko antolatzaileetako bat da, eta ospakizun berezi honetaz aritu da "Joseba Arguiñano Sukalerrian" saioan. Horren arabera, 1652an hasi ziren ospatzen, eta oso berezia da lazkaotarrentzat. Hainbat ekintza egiten dituzte, tartean asto-lehiaketa eta antzezlana.

Eider Garmendiak Astigoxoren obradore berria erakutsi digu. Kooperatiba txiki honetako dendan enkarguz saltzen dituzte beraien produktuak, baita Beasain eta Ordiziako azoketan ere. Arrakasta dute pastelek, sagar tartak batik bat; baita tarta gaziek ere, prestatu diguten porru quicheak, esaterako.

Beasaingo San Silbestreak mende erdia bete du 2023ko abenduaren 31 honetan. Gizonezkoen mailan, Abdelkader Al Gham nagusitu da; emakumezkoenean, aldiz, Kaoutar Boulaid izan da onena. Hainbat korrikalarik hartu dute parte proban, eta giro bikaina izan da.

Irene Paredes Bartzelona taldeko jokalariak omenaldia jaso du Legazpin (Gipuzkoa), bere herrian. Hainbat pertsona bildu dira udaletxean, eta, ondoren, ekitaldia egin dute bere izena duen futbol zelaian.

Igandean, abenduak 31, San Silvestre lasterketa egingo da Euskal Herriko hainbat herritan. Ospetsuenetako bat, Gipuzkoako zaharrena, Beasaingoa da. Aurten, 50 urte beteko ditu.

Duela 7 urte, uneoro nekatuta sentitzen zen Garbiñe Zurutuza. Medikuek estresa zela esan zioten, baina hainbat analisi egin ondoren jakin zuen Leuzemia Mieloide kronikoa zuela.

Amatriain frutategiko Jose Luis Amatriainek azaldu digunez, fruta eta barazkiez gain ezti eskaintza zabala ere badute. 20 ezti mota ezberdin dituzte salgai, eta 6 izan ditu hizpide: limoiarena, mila loreduna, mizpirarena, gaztainondoarena, ahuakatearena eta haritzarena.

Euripean, bere jantzirik onenak erakutsi ditu beste behin azokak. Aurten, baserritarrek garestiago jarri behar izan dituzte produktuak. 124 zaldiburu aurkeztu dira aurten.

Ganadu eta ezti lehiaketak, Arabako Errioxako urteko ardo azoka eta dastaketa eta herri kirolen, artzain txakurren eta idien erakustaldiak dira 2023ko Santa Luzia Azokaren erakargarri nagusiak.

Xabi Zurutuza motor-gidari legazpiarra Moto 3 kategoriako Munduko Txapelketan lehiatuko da 2024an. Denboraldia hasteko pixka bat urduri, baina, aldi berean, oso gogotsu dagoela, eta bere helburua gazterik onenaren saria eskuratzea izango dela kontatu digu "Biba Zuek!" saioan.

Adingabe zela, gurasoak galdu zituenean, Yayak Konakry utzi eta Europarako bidea hartu zuen. Gipuzkoako harrera zentro batean egon zen, bi hilabetez, eta orain, 18 urterekin, Seguran topatu du geratzeko tokia, Aizkorri Goierri futbol taldeak sortutako babes sareari esker.

Duela 28 urte hil zituzten Iñaki Mendiluce eta Jose Luis Gonzalez ertzainak. Gaur omenaldia egin diete Beasaingo ertzain-etxean, haien oroimenez jarri zuten monolitoan.

Alberto Irastorzak Olaberrian du baserria eta beltz ikusten du abeltzaintzaren etorkizuna. Dioenez, egoera penagarria da, ez baita errentagarria; produkzio kostua altuagoa da etekina baino. Azalera handiko merkataritza guneek ikaragarri estutzen dituztela dio, eta kontzientzia eskatzen die erosleei.

Ostiralero Lazkaoko San Benito ikastolak Kantu Jira egiten du herriko plazan. Bizpahiru abesti kantatzen dituzte, eta ikastolako ikasle, herriko talde eta herritarrak batzen dira ekimenera.  Ostiralean ekintza berezia izan zen EITB Maratoiko elkartasun kanpainarekin bat eginaz.

Segurkao Txarrantxako kideek 2023ko EITB Maratoiarekin bat egiteko bideo bidali dute. ETS taldearen "Aukera Berriak" kantua dantzatuz, minbiziaren ikerketaren garrantzia azaleratu dute.

2021eko uztailean, Beasaingo parrokiako erretaulako pieza apaingarri txiki bat erori zen, eta orduan iritsi zen ezustekoa: 1671n eraikitako erretaula barrokoaren atzean, 1555. urteko jatorrizko erretaula ezkutatzen zen, Gipuzkoan bakarra zen altxor errenazentista.

Josetxo Mendiarekin bildu gara Zegamako Altzibar baserrian. 'Pak Choi'a, "txinatar aza" euskaraz, ereiten du Josetxok. Hori dela eta, barazki honi buruzko informazioa emateaz gain, nola jan dezakegun ere azaldu digu.

Zumarragako 19 urteko mutil bat jipoitu dute 30 pertsonak Bruselan (Belgika), eta koma egoeran dago. Herritarrak saminduta daudela adierazi du Mikel Serrano alkateak, eta Udalaren laguntza osoa helarazi dio familiari.