Gizartea -
EZBEHARRA
Kanpai bat erori da Laguardian, San Juan elizatik
Kanpaia erabat txikituta geratu da baina ez du inor harrapatu. Suhiltzaileek pusketak bildu eta ingurua itxi dute, badaezpada ere.
AGENTZIAK | ERREDAKZIOA
Kanpai bat erori da gaur ezustean Laguardian. Eguerdian, San Juan elizatik jausi eta lurraren kontra jo du Arabako suhiltzaileek jakitera eman dutenez.
Suhiltzaileek itxi egin dute zonaldea, badaezpada ere, eta kanpaiaren arrastoak jaso dituzte. Erabat txikituta geratu da sare sozialetan zabaldu dituzte irudietan ikusten denez.
Zorionez, ez du inor harrapatu eta ez da zauriturik egon.
Hain zuzen ere, bihar Laguardiatik eskaini behar ditu ETBk zuzenean urte amaierako kanpaiak, baina udaletxeko plazatik izango da.