Gizartea -
Emakumeen kontrako indarkeria
52 urteko emakumea hil du bere bikotekide ohiak Madrilen, labankadaz
Fuente el Saz del Jaramako bere etxetik irtetean labankadaz hil dute emakumea. Guardia Zibilak bere bikotekide ohia atxilotu du. Gizonak urruntzeko agindua zuen.
Erredakzioa
52 urteko emakumea labankadaz hil du astelehen honetan bere bikotekide ohiak Fuente el Saz del Jarama Madrilgo herrian. Urruntzeko agindua zuen bikotekide ohia atxilotu du Guardia Zibilak 14:20ak inguru. Orain kuartelean dago, emakumearen heriotza egotzita.
Guardia Zibileko Komandantziako bozeramaile batek jakitera eman duenez, bere etxetik irtetean emakumea labankadaz hil dutela ohartarazi du goizeko 08:00ak inguru herritar batek.
Agenteak bertaratu zirenean, 52 urteko emakume britaniarra konorterik gabe aurkitu zuten. Labana zauriak zituen toraxean eta sabelean. Bere egoera egonkortu ondoren, San Sebastian de los Reyeseko Infanta Sofia ospitalera eraman zuten. Handik gutxira hil zen emakumea.
