Gizartea -
Bada ezpadako neurria
Gorenak ez du 110 km/o abiadurara murrizteko neurria kentzea aginduko
DVuelta eta Movimiento 140 elkarteek neurria bertan behera uzteko eskatu zuten, Gobernuaren neurriaren kontrako helegitea erabaki bitartean.
Erredakzioa
Auzitegi Gorenak ezeztatu du DVuelta eta Movimiento 140 elkarteek 110 km/o abiadurara murrizteko asmoz Gobernuak hartutako neurria bertan behera uzteko eskaera, helegitea ikertu eta horren gainean epairik erabaki bitartean.
Hala jakinarazi dute Gorenaren Administrazioarekiko auzibiderako Salak emandako epaian; bertan agertzen denez, ez dago arrazoi berezirik eskatutako bada ezpadako neurriaren eskaera onartzeko, Administrazioaren partea entzun aurretik. Estatuari bost eguneko epea eman dio alegazioak aurkezteko.
DVuelta eta Movimiento 140 elkarteen argudioaren arabera, "energia aurreztea ezin daiteke 10 km/o-ko abiadura murrizketa egiteko arrazoia izan, Bide Segurtasunaren Legea aintzat hartuta; alde hori ez baita agertzen legea osatzen duten artikuluetan".