Gizon bat atxilotu dute Gaztelu plazako parkingean, bi karabina erakusteagatik

Iruñeko Udaltzaingoak gizon bat atxilotu du asteburuan Gaztelu plazako parkingean, aire konprimituko bi karabina erakusteagatik.

Halaber, gizonak positibo eman zuen droga kontrolean. Hori dela eta, 1.000 euroko isuna jarri zioten eta gidabaimeneko 6 puntu kentzeko proposamena egin diote.

Bestalde, udaltzainek beste hamaika irteera egin dituzte asteburuan, beharra zuten pertsonei laguntzeko (31), elkarbizitza arazoak (29) edota erasoak tarteko (8). Landabenen, esaterako, konorterik gabe eta hipotermia zantzuekin zegoen gizon bat artatu zuten.

Horrez gain, bihotzeko arazo bat izan zuen 30 urteko kamioizale bat ere artatu zuten Agustindarren industrialdean. Bestalde, zarata dela eta, 18 kexa jaso dituzte eta udaltzainek Yamaguchiko etxebizitza bateko 30 lagun atera zituzten.