Gizartea -
Nafarroa
Bi neska hil dira tren batek azpian harrapatuta, Olaztin
Ezbeharra 23:15 aldera jazo da. Altsasuko 16 eta 17 urteko neskak, gazte gehiagorekokin batera, trenbidetik oinez zihoazen Olaztira.
Erredakzioa
Altsasuko 16 eta 17 urteko bi neska bart hil dira tren batek azpian harrapatu ostean Olaztiko (Nafarroa) tren geltokian, Nafarroako Gobernuak jakinarazi duenez.
Ezbeharra 23:15 aldera jazo da, Portland zementu lantegitik hurbil. Altsasu eta Olazti lotzen duen trenbidetik oinez zihoazen eta ez ziren trenaz ohartu, zementu lantegiaren eta autobidearen zarata zela eta.
Istripuaren berri izan bezain laster, SOS Nafarroak Altsasuko mediku talde bat eta Olaztiko suhiltzaileak bidali zituen bertara. Guardia Zibilak jazotakoa argitzeko ikerketa abiatu du.
Hau zure interesekoa bada, baliteke beste gai hauek ere izatea