Gizartea -
Gasteizko noranzkoan
N-1 errepidea itxi dute Etxegaraten, kamioi batek sua hartu duelako
Sua ustekabean hasi da, kamioia Etxegarateko mendateko 408. kilometrotik zihoanean. Gasteizko noranzkoan errepidea itxi egin dute, eta auto-ilarak pilatzen hasi dira.
Erredakzioa
N-1 errepidea itxi behar izan dute, Etxegarateko mendatean, kamioi batek sua hartu duelako. Ezbeharra arratsaldeko 16:35etan izan da, Herrizaingo Sailak jakinarazi duenez.
Iturri berdinaren arabera, sua ustekabean hasi da, kamioia Etxegarateko mendateko 408. kilometrotik zihoanean. Gasteizko noranzkoan errepidea itxi egin dute, eta auto-ilarak pilatzen hasi dira.
Kamioiak beirazko botilak zeramatzan. Zauriturik ez da egon, eta kamioia errepidetik kentzeko garabi bat erabiliko dute. Bitartean, errepidea itxita egongo da.
Hau zure interesekoa bada, baliteke beste gai hauek ere izatea