Gizartea -
Abisu horia EAEn
Hiru hegazkinek ezin izan dute Loiun lur hartu, haize zakarra dela eta
Madrildik, Santiagotik eta Bartzelonatik atera diren hiru hegaldik bidea aldatu behar izan dute, haize-ufada handien ondorioz ezin izan dutelako Loiura heldu.
AGENTZIAK | ERREDAKZIOA
Hiru hegazkinek ezin izan dute gaur goizean Loiun lur hartu, haize zakarrak horretarako aukerarik eman ez dielako. Hori dela eta, beste toki batzuetara desbideratu behar izan dituzte hegaldi horiek, Aenak jakitera eman duenez.
Hegaldietako bat Madrildik atera da goizean, eta irteera-puntura itzuli da handik gutxira, Loiun lur hartzea ezinezkoa zelako. Horixe bera gertatu zaio Santiagotik abiatutako hegaldi bati ere. Kasu horretan, baina, Iruñera eraman dituzte bidaiariak, Loiura beharrean.
Bukatzeko, hirugarren hegaldia Bartzelonako aireportutik irten da goizeko lehenengo orduan, eta bertara itzuli behar izan da berriro, geroago.