Leherketa bat izan da Txinako Jilin probintziako ikatz meategi batean

Lurralde horretako agintarien arabera, hamaika pertsona hil dira, bi desagertu eta sei zauritu, Jilin Txinako ipar-ekialdeko probintziako ikatz meategi batean izandako leherketaren ondorioz.

Eztanda goizean izan da Baishan hirian, Tonggouko ikatz meategian. 39 langile lur azpian harrapatuta geratu dira, eta 26k bertatik ateratzea lortu dute. Sei ospitalera eraman dituzte, eta erreskate taldea desagertu egin diren bi meatzariren bila ari da.

Leherketaren arrazoiak aztertzen hasi dira, eta ikerketak irauten duen bitartean Baishaneko ikatz meategi guztien ekoizpena bertan behera uztea agindu dute, haien jardueran irregulartasunik badago hauek konpontzen saiatzeko.