Berdintasunaren eta aniztasunaren aurkako pintaketak egin dituzte Zaratamoko eskolan

Berdintasunaren, feminismoaren eta aniztasunaren kontrako pintaketak agertu dira Zaratamoko eskola publikoko hormetan. 'Stop feminaziak', 'scolae plana ez', 'haurren hormonatzeari ez' edota 'mutilek zakila dute' bezalako esaldiak agertu dira ikastetxeko hainbat lekutan.

Zentroko guraso elkarteak antolatuta, martxoaren 8aren harira ekintza bat egin zuten eskolan joan den larunbatean: morez eta ostadarraren kolorez margotu zituzten eraikinaren hainbat gune, eta horren ondoren etorri dira pintaketak.

 "Harrituta" agertu dira gurasoak eta eskolako zuzendaritza, eta arratsaldean bertan Udaleko arduradunekin premiazko bilera egingo dutela iragarri dute, agiri bateratu bat adosteko.