Gizon bat hil da tren batek harrapatuta Pasai Antxon

34 urteko gizon bat hil da gaur Pasai Antxon (Gipuzkoa) merkantzia tren batek harrapatu ostean, Adifeko geltokitik gertu, Herrizaingo Sailak jakitera eman duenez.

Ezbeharraren jazo eta gero, anbulantzia bat bertaratu da, baina ezin izan du ezer egin eta biktimaren heriotza baieztatu dute. Biktima Madrilgo herri bateko bizilaguna zen.

Istripuaren arrazoiak ikertzen ari da Ertzaintza. Ezbeharra 12:25 aldera jazo da eta Madrilgo noranzkoan zihoazen trenen zirkulazioari eragin die 14:20ak arte.