Gizartea -
Gipuzkoa
Gorpu bat aurkitu dute Hondarribiko uretan
Gertaerak aste honetan salatutako Nafarroako arrantzalearen desagertzearekin zerikusirik duen ikertzen dabiltza.
AGENTZIAK | ERREDAKZIOA
Itsas Salbamenduko ontzi batek gorpu bat erreskatatu du Hondarribian.
Segurtasun Sailak zabaldu duen informazioaren arabera, larrialdi zerbitzuek dei bat jaso dute 14:30 aldera. Urpeko arrantza egiten ari ziren hainbat lagun izan dira, hain zuzen, gorpua aurkitu eta horren berri eman dutenak.
Apirilaren 15az geroztik, Gurutze Gorria, Ertzaintza, suhiltzaileak eta Itsas Salbamenduko ontzi bat arrantzan atera zen gazte nafar baten bila ari dira inguru horretan. Halere, Segurtasun Sailak ez du oraindik gaur aurkitutako gorpua identifikatu.
