Haurtxo bat hil da auto batek harrapatuta Beasainen

1-2 urteko umetxo bat hil da gaur arratsaldean 20:00ak aldera, Beasainen (Gipuzkoa).

Umetxoa 4 X 4 ibilgailu batek harrapatu du Arriarango bide batean, Ertzaintzak jakitera eman duenez.

Adingabearen heriotza baieztatu dute bertaratutako larrialdi zerbitzuek. Umetxoaren gurasoak artatu eta Donostiako ospitalera eraman behar izan dituzte.

Haurtxoaren gorpua Donostiako Auzitegiko Medikuntza Zerbitzura eraman dute. Ertzaintzak ikerketa bat zabaldu du gertatutakoa argitzeko.