Gizartea -
Gipuzkoa
20 lagunetik gora etxetik atera dituzte Ordizian, eraikin batean sutea piztu ondoren
Maribaratza kaleko eraikin baten teilatuan piztu da, eta suhiltzaileek ikerketa abiatu dute sutearen nondik norakoak argitzeko.
eitb.eus
Hogei pertsonatik gora etxetik atera dituzte goizean Ordizian, eraikin baten teilatuan sutea piztu ondoren, Ertzaintzak eta Gipuzkoako Suhiltzaileek eitb.eus-i jakinarazi diotenez.
Sutea 11:25ean piztu da, Maribaratza kaleko eraikin baten teilatuan, baina ez da inor zauritu.
Sutea izan den eraikineko bizilagunez gain, ondoko bi erakinetakoak ere atera dituzte kalera, badaezpada. Suhiltzaileek sugarrak ondoko teilatuetara ez zabaltzea lortu dute, eta ikerketa abiatu dute sutea nola piztu den argitzeko.
Ordiziako, Tolosako eta Legazpiko suhiltzaileez gain, Ertzaintzaren eta Udaltzaingoaren patruilak eta anbulantziak bertaratu dira, badaezpada.