Gizartea -
Ikerketa
Bilbo, Estatuko bigarren hiririk garbiena
Iruñea, Getxo eta Donostia ere hamar hiri garbienen artean daude. Gasteiz, ostera, 21. tokian geratu da.
AGENTZIAK | ERREDAKZIOA
Kontsumitzaile eta Erabiltzaileen Elkarteak egindako ikerketaren arabera, Bilbo, Iruñea, Donostia eta Getxo Estatuko hamar hiririk garbienen artean daude.
Estatuko hiririk garbiena, Oviedo da; eta zerrenda horretan, bigarren tokian, Bilbo dago; Iruñea, Getxo eta Donostia, berriz, bosgarren, seigarren eta zazpigarren tokian aurkitzen dira, hurrenez hurren.
Ikerketa egiteko udalek emandako informazioa eta 5.260 herritarrei egindako galdeketak erabili dituzte iturri gisa. Txostenaren xehetasunak Kepa Loizaga Kontsumitzaile eta Erabiltzaileen Euskadiko Elkarteko ordezkariak eman ditu gaur goizean.
Lau urtean behin egiten dute ikerketa, eta, besteak beste, bizilagunek hiriaren garbitasunari buruz dituzten iritziak biltzen dituzte, hala nola, auzo, kale, parke, lorategi eta zabortegien egoerari buruzkoak.
Ikerketa horren ondotik Estatuko hiri garbienen zerrenda osatu dute eta, esan bezala, Bilbo, Iruñea, Getxo eta Donostian lehen hamarren artean daude. Gasteizek, ostera, atzera egin du eta 21. tokian kokatu dute.