Bi pertsona atxilotu dituzte Bilbon hiru gazteri eraso egin izana egotzita

19 eta 20 urteko bi gizonezko atxilotu dituzte, eta 19 eta 21 urte arteko beste hiru ikertzen ari dira, Bilboko Albia Lorategietan apirilaren 5ean hiru gazteri eraso egin izana egotzita. Jasotako jipoiaren ondorioz, biktimak ospitalean artatu behar izan zituzten, eta biri ebakuntza egin behar izan zieten.

Eusko Jaurlaritzako Segurtasun Sailak jakitera eman duenez, erasoa goizaldeko bostak aldera izan zen. Hiru gazte AlbiaLorategietako eserleku batean zeudela, zortzi pertsona hurbildu eta bortizki eraso zieten.

Erasoan jasotako kolpeen ondorioz, hiru gizonezkoak ospitalera eraman behar izan zituzten, hainbat haustura baitzituzten.

Ertzaintzak ikerketa abiatu zuen, eta astelehenean bi gazte atxilotu eta beste hiru inputatu zituzten, lesioen delitu bat leporatuta.

Ertzaintzaren ikerketak abian jarraitzen du, gainerako erasotzaileak aurkitu arte. Hiru atxilotuak epailearen aurrera eraman dituzte jada.