Edukiontzi batean piztutako suteak kalteak eragin ditu auto batean, Bilbon

Sua 06:00etan hasi da Bailen kaleko edukiontzi batean.

Bilboko Bailen kaleko suteak aparkatuta zegoen auto bat kaltetu du. Argazkia: Iker Salgado

AGENTZIAK | ERREDAKZIOA

azken eguneratzea: 2019/05/01 10:28 (UTC+2)

Edukiontzi batek su hartu du gaur goizean Bilbon, eta kalteak eragin ditu inguruan aparkatuta zegoen auto batean.

Eusko Jaurlaritzako Segurtasun Sailak jakinarazi duenez, sutea 06:00etan piztu da Bailen kaleko edukiontzi batean, oraindik argitzeke dauden arrazoiak tarteko.

Suhiltzaileek sua itzali dute dagoeneko. Garren ondorioz, auto baten atzealdea eta beste edukiontzi bat kaltetu dira.

Bilbokoa ez da gaur goizean piztutako sute bakarra izan. 07:45ean beste edukiontzi batek su hartu du Abadiñon, oraindik argitu gabeko arrazoiak tarteko. Kasu honetan ere, suhiltzaileek itzali dute sua.

Hau zure interesekoa bada, baliteke beste gai hauek ere izatea

Bilboko albisteak Gaurko albisteak Bizkaia Suteak albisteak Gizartea Eguneko albisteak Eguneko albisteak Abadiño albisteak Suhiltzaileak

Edukiontzi batean piztutako suteak kalteak eragin ditu auto batean, Bilbon

Esteka kopiatuta