Gizartea -
Helikopteroan eraman dute
Gizon gazte bat oso larri zauritu da istripu batean, Corellan
Cintruenigoko gaztea Tuterako Sofia Erregina ospitalera eraman dute, suhiltzaileek ibilgailu barrutik atera ondoren, harrapaturik geratu baita.
Agentziak | Erredakzioa
Cintruenigoko 23 urteko gizonezko bat oso larri zauritu da istripu batean, Corellan (Nafarroa), berak zeraman ibilgailua errepidetik aterata. Bakarrik zihoan autoan.
Foruzaingoak jakitera eman duenez, gertakaria 16:10 aldera jazo da, NA-6810 errepideko 6. kilometroan. Zauritua Tuterako Sofia Erregina ospitalera eraman dute helikopteroz, suhiltzaileek ibilgailu barrutik atera ondoren, harrapatuta geratu baita.
Tuterako foruzainak bertaratu dira, eta ikerketa abiatu dute gertatutakoa argitzeko.