Maiatzean hasiko dira Zubietako kartzela eraikitzeko lanak

Donostian, zubietako kartzela berria eraikitzeko lanak datorren hilabetean hasiko dira 2014rako amaitzeko asmoz, Angel Maria Martinez, Kartzela Azpiegitura eta Ekipamenduen Espainiako Elkarteko presidenteak esan duenez.

Martinezek, Odon Elorza Donostiako alkateak eta Jorge Letamendia urbanismo zinegotziak, espetxe berria egiteko hitzarmena sinatu dute, egun Martutenen dagoen kartzela "bederatzi bider" biderkatuko duena, hain zuzen ere.

Egoitza berriak 18 hektarea izango ditu (egungoak bi hektarea ditu) eta 504 gelatxo izango ditu (egungoak 180 gela eta 300 preso ditu). Eraikin berriaren kostua 113 milioi eurokoa izango da.

Donostian, Zubietako kartzela berria eraikitzeko lanak datorren hilabetean hasiko dira 2014rako amaitzeko asmoz, Angel Maria Martinez Kartzela Azpiegitura eta Ekipamenduen Espainiako Elkarteko presidenteak esan duenez.

Martinezek, Odon Elorza Donostiako alkateak eta Jorge Letamendia Urbanismo zinegotziak espetxe berria egiteko hitzarmena sinatu dute, egun Martutenen dagoen kartzelaren aldean "bederatzi bider" handiagoa izango dena, hain zuzen ere.

Egoitza berriak 18 hektarea eta 504 gela izango ditu (gaur egungoak bi hektarea eta 180 zigor-gela ditu, 300 preso hartzeko). Eraikin berriaren kostua 113 milioi eurokoa izango da.

Elorzak azpimarratu du Zubietako espetxe berriak Iruñea kanpoaldean eraikitzen ari direnaren "antza handia" izango duela, eta beraz, "gaur egungo kartzela, modernoa" izango dela.

Gaineratu duenez, eraikitzen ari diren beste espetxe batzuen gelatxo kopuru erdia izango du eta beraz, "ez da makrokartzela" izango, esan du.

Martinezek esan du kartzela berria "presondegi sistemaren modernizazio politikaren barruan" sartzen dela, instalazio "modernoak, hornituak eta ekonomikoki bideragarriak" direnak sortuz.

Martuteneko kartzela "zaharkituta eta zerbitzurik gabe" dagoela esan du Martinezek eta presondegi politika "demokratikoa, modernoa eta pertsonen zerbitzura dagoena" aldarrikatu dute. Zehaztu duenez, datorren maiatzean hasiko dira eraikitze lanak.

Azkenik, zentro berria martxan jartzen denean Langraitzeko kartzela (Araban) ixteko asmoa dutela iragarri du.

Presoak berriro gizarteratzea

Bestalde, Odon Elorza Donostiako alkateak konpromisoa hartu du Etxegintzaren bitartez, Arrats elkarteari (preso ohiak artatzeko zerbitzua ematen du) pisu bat emateko, beren lana aurrera eraman eta horrela, "pertsona horiek berriro gizarteratzeko".