Euskadin kamioiak lapurtzen zituen talde bat desegin du Poliziak

20-50 urte bitarteko bost lagun atxilotu ditu Miranda de Ebroko (Burgos) Poliziak. Guztiak merkantzia kamioiak lapurtzen zituen talde bateko kideak ziren eta EAEn egiten zituzten lapurretak.

50 urteko V.V.Mk aurrekari ugari zituen eta Las Merindadeseko bizilaguna zen. Haren alaba, 20 urteko J.V.R, Bilbon bizi zen; 44 urteko L.A.G.T aurrekariak ditu eta Bilbokoa da; 44 urteko J.C.G.B Las Merindadeseko bizilaguna, eta 40 urteko J.L.O.R dira atxilotuak.

Bayas industrialdean industria-nabe bat alokatu zuen lagun talde bat ikertzen ari zen Mirandako Komisaldegia duela zenbait aste, horietako batzuk aurrekariak zituztelako. Industrialdean material metalikoa gordetzen zuten, Gobernuaren Ordezkariordetzak jakitera eman duenez.

Ikerketak taldea desegitea ahalbidetu du. Lapur taldeak kamioi eta atoi bat erabiltzen zuen, biak lapurtutakoak. Trakzio-burua Leonen lapurtu zuten iragan urrian eta matrikula faltsua jarri zioten. Atoia, ostera, Zornotzan (Bizkaia) lapurtu zuten.

2007az geroztik EAEn lapurretak egin ditu desegindako taldeak. Iturri berdinen arabera, asteburuetan merkantzia zaintzen zuten enpresetan eta gero kamioiak lapurtzen zituzten.