Gizartea -
Bizkaia
Hiru auto kaltetu dira Getxon, sute batean
04:00ak aldera, Maximo Agirre kalean aparkatuta zegoen furgoneta batek su hartu du, oraindik argitu gabe dauden arrazoiak tarteko. Ez da inor zauritu.
Agentziak | Erredakzioa
Hiru auto kaltetu dira Getxon (Bizkaia), ostiral goizaldean izandako sute batean. Eusko Jaurlaritzako Segurtasun Sailak jakitera eman duenez, Maximo Agirre kalean aparkatuta zegoen furgoneta batek su hartu du, eta suak horren ondoan aparkatuta zeuden bi autotan ere egin ditu kalteak.
04:00ak aldera jazo da sutea. Ordu horretan, Maximo Agirre kalean aparkatuta zegoen furgoneta batean sua piztu da, oraindik argitu gabe dauden arrazoiak tarteko.
Suhiltzaileak bertaratu dira, eta minutu gutxitan erabat itzali dute sua. Ez da inor zauritu, baina sutea zerk eragin duen argitzeko ikerketa abiatu dute.