Gizartea -
Ez da zauriturik izan
Sute batek kalte handiak eragin ditu Ortuellako etxetzar batean
Antza denez, sua zirkuitulabur batek eragin du biltegi modura erabiltzen zuten gela batean. Etxeko bizilagun batek osasun zerbitzuen laguntza behar izan du nerbio-krisi baten ondorioz.
Erredakzioa
Sutea 15:00ak baino minutu batzuk lehenago hasi da eta kalte handiak eragin ditu ostegun honetan, Ortuellako Nocedal auzoko (Bizkaian) etxetzar batean. Hala ere, eta Ertzaintzak aditzera emandakoaren arabera, ez da zauriturik izan.
Antza denez, sua zirkuitulabur batek eragin du biltegi modura erabiltzen zuten gela batean. Betan bizi zirenek kalera ateratzeko denbora izan dute eta batek osasun zerbitzuen laguntza behar izan du nerbio-krisi baten ondorioz.
Suhiltzaileek sugarrak itzali dituzte, eta bertatik aldegin dute 18:00ak jota. Suak kalte handiak eragin ditu.