Gizartea -
SUTEA
Hiru pertsona ospitalera eraman behar izan dituzte kea arnasteagatik, Arrigorriagan
Sutea izan da arratsaldean Ricardo Ibarreche kaleko eraikin bateko hirugarren pisuan. 83 urteko emakumea, 20 urteko iloba eta 90 urteko gizona Galdakaoko ospitalera eraman behar izan dituzte.
AGENTZIAK | ERREDAKZIOA
Hiru pertsona, gazte bat, haren amona eta gizon bat, Galdakaoko ospitalera eraman behar izan dituzten gaur arratsaldean, Arrigorriagan izan den sute batean kea arnasteagatik.
Eusko Jaurlaritzako Segurtasun sailetik jakitera eman dutenez, Ertzaintzako bi agente ere artatu behar izan dituzte tokian bertan, kea arnasteagatik.
15:00ak baino zerbait lehenago piztu da sutea Arrigorriagako Ricardo Ibarreche kalean dauden etxebizitza batzuen hirugarren pisu batean. Hainbat bizilagunek etxetik irten behar izan dute sutea dela eta.
Sutea piztu den etxean zeuden bi pertsonak eraman dituzte ospitalera: 83 urteko emakume bat eta 20 urteko iloba. Eraikinean zegoen 90 urteko gizon bat ere ospitalera eraman behar izan dute.
Suhiltzaileek itzali behar izan dute sua.