Gizartea -
Gertakaria
Gizon baten gorpua aurkitu dute Itzurun hondartzan, Zumaian
Uretan ikusi dute gorpua, asteazken arratsaldean. Ertzaintzak gertakizuna ikertzen ari da.
Agentziak | Erredakzioa
Gizon baten gorpua topatu dute, asteazken arratsaldean, Zumaiako Itzurun hondartzan, Gipuzkoan.
Segurtasun sailak esan duenez, 15:40ean ikusi dute gorpua lagun batzuek, itsasoan. Eusko Jaurlaritzaren larrialdi zerbitzua ohartarazi ondoren, itsasertzera ekarri dute. Ertzaintza eta segizio judiziala hondartzan bertaratu dira gorpuaren hardura hartzeko.
Oraindik ez dute gizonari buruzko daturik. Gorpua Donostiako Auzitegiko Medikuntza zerbitzura eraman dute, autopsia egiteko.
Ertzaintzak ikerketa ireki du gertakizunak eta heriotzaren kausak argitzeko.
Hau zure interesekoa bada, baliteke beste gai hauek ere izatea