Gizartea -
Lapurretak
Kargupean aske geratu da astelehenean atxilotu zuten Kay gaizkile taldeko kidea
Durangoko taberna batean lapurreta egitea eta Portugaleteko beste ostatu batean lapurtzen saiatzea egozten dizkiote. Ertzaintzak ez ditu oraindik taldeko beste hiru kideak aurkitu.
Agentziak | Erredakzioa
Astelehenean Zeberion atxilotutako 48 urteko gizona, Kay gaizkile taldeko kidea, kargupean libre geratu da, epailearen aurrean deklaratu ostean. Beste hiru lagunekin Portugaleteko taberna batean lapurtzen saiatu eta Durangon beste lapurreta bat egin ostean atxilotu zuten.
Ustez delitu berberetan inplikatutako beste hiru gizonak topatzen saiatzen ari da Ertzaintza, Segurtasun sailak esan duenez.
Lauko talde horretako bat astelehenean, 9:45ean, atxilotu zuten ertzainek, Zeberion (Bizkaia). Ordu batzuk lehenago, 3:00etan, atxilotua Portugaleteko taberna batean lapurtzen saiatu zen, beste hiru gizonekin batera.
Ustekabean harrapatuta, ibilgailu batean ihes egin zuten guztiek. Hala ere, Ertzaintzak horietako bat aurkitzea eta atxilotzea lortu zuen, Zeberioko landa-eremu batean.
Atxilotua eta hiru lagunek beste lapurreta bat egin zuten Durangon (Bizkaia), Ezkerraldeko herriko tabernan saiatu baino ordu batzuk lehenago.
