Etxeko langile bat atxilotu dute 13.000 euroko bitxiak lapurtzeagatik

Polizia Nazionalak 49 urteko M.L.P.F. atxilotu dute, madrildarra eta Burlatan bizi dena, lan egiten zuen etxean ustez ebasketa-delitua egiteagatik. 13.000 euroan balioztatutakoak berreskuratu egin dituzte. Atxilotuak 14 urte zeramatzan etxe horretan lanean.

Poliziako Buruzagitzak komunikatu batean zabaldu duenez, etxebizitzaren jabeak zenbait bitxi falta zitzaizkiola ikusi eta etxeko langilearengan susmoak izan zituen, bera baitzen etxebizitzara sartzeko giltzak zituen pertsona bakarra, baita gela guztietan sartzeko aukera ere.

Hala ere, bien arteko harremana kontuan hartuta, "langilearen hitz egin, salaketarik aurkeztu ez eta bitxiak berreskuratzen saiatzea erabaki zuen. Langileak bitxiak hartu zituela onartu zuen". Are gehiago, ustezko lapurra eta biktima salerosketa denda batera eta bitxitegi batera joan ziren. Bertan, lapurtutako bitxi batzuk berreskuratu zituzten, gizonezkoen urrezko erloju bat eta lepoko batzuk izan ezik.

Falta zaizkion bitxien lapurreta argitzeko, emakumeak salaketa jarri zuen. Atxilotuak lapurtutakoa berreskuratzeko eta itzultzeko asmoa agertu zuen, eta bahituran zituela azaldu zuen.