Bikotekide ohiak eraso egin eta zaintza intentsiboetan da, Valentzian

Emakumezko bat La Ribera Ospitaleko Zaintza Intentsiboetako Unitatean da (ZIU) goizean bikotekide ohiak egindako erasoaren ondorioz. Gertaera Suecan izan da, Valentzian, eta erasotzaileak sabelaldean eta toraxean zauriak egin dizkio arma zuri bat erabilita.

Biktimari 34 urteko beste emakumezko batekin batera eraso egin dio bikotekide ohiak Suecako etxebizitzan, bost urteko semetxoaren aurrean. Erasotzaileak urrun egoteko agindua zeukan.

35 urteko biktima egoera larrian dago, baina egonkor eta hurrengo orduetako eboluzioaren zain. Erasotutako beste emakumeak, berriz, lepoan zauria izan du eta egoera onean dago, behaketan.

Erasotzaileak ere zauria dauka sabelaldean, berak eragindakoa, baina honen egoera ez da larria. 47 urte ditu.