Gizartea -
Emakumeen aurkako indarkeria
Gizon batek bikotekide ohia hil du Gironan
Biktima 65 urtekoa zen. Esquadra Mossoek haren bikotekide-ohia atxilotu du, ustezko hiltzailea delakoan.
Erredakzioa
Hirurogeita bost urteko emakumezko bat hil egin da gaur Bescano herrian (Girona), ustez bikotekide ohiak tirokatuta. Esquadra Mossoek atxilotu egin dute gizonezkoa.
Poliziaren iturriak aipatuta EFE agentziak jakinarazi duenez, ezbeharra 09:00etan gertatu da. Ordu horretan, auzokide batzuek bala zauriekin topatu dute, haren etxearen barruan.
Antza denez, emakumeak bala zauri batzuk ditu, eta larrialde zerbitzuak iritsi baino lehen hil da.
10:00etan, Esquadra Mossoek topatu egin dute ustezko hiltzailea, Angles herrian, eta atxilotu egin dute, homizidio delitua egotzita.
Esquadra Mossoek ikerketa abiatu dute, krimena argitzeko.
