Gizartea -
Eguraldiaren aurreikuspena
Eguzkia jaun eta jabe izango da gaur
Eguraldi eguzkitsua izango dugu gaur, tenperatura atseginekin. Hego haizeak indar handiegirik gabe joko du gainera. Datozen egunetarako ez da aldaketarik espero, eguzkia izango da protagonista.
Erredakzioa
Bihar ere giro eguzkitsua. Hodeirik apenas ikusiko den, barnealdean sortuko diren laino guneak, salbu. Arratsaldean eta gauean posible da hodei gune batzuk sortzea. Hegoaldeko haize ahula ibiliko eta arratsaldean ipar/ipar-mendabaldekoa sartuko da. Tenperatura maximoak 25 º-ren bueltan kokatuko dira puntu batzuetan.
Asteartean berdintsu jarraituko dugu. Tenperatura beroenak 25 º-ren bueltan ibiliko dira eta zerua ia erabat urdin egongo da; eguzkia jaun eta jabe izango da zeruan. Dena den, beroaren eraginez trumoi-hodei batzuk garatuko dira barnealdeko mendi inguruetan. Norabide aldakorreko haizea ibiliko da eta brisa sartuko da arratsaldean.