Gidari bat bidetik atera da Iruñean eta ihes egin du autoa biribilgune erdian utzita

Asteburuan, gidari bat bidetik atera da Iruñean eta ihes egin du autoa biribilgune erdian utzita. Aipaturiko istripua Nafarroa etorbideak eta Santa Luzia kaleak bat egiten duten tokian gertatu da.

Guztira, 20 istripu artatu ditu Iruñeko Udaltzaingoak asteburuan.

Gainera, hiru urteko mutiko bat arin zauritu da Atarrabiako etorbidean, oinezkoentzako pasabide batean ibilgailu batek harrapatuta.

Bestalde, bost gidariren aurkako izapideak abiatu dituzte. Horietako lauri (gizonak) alkoholaren eraginpean gidatzea leporatzen diete, eta bosgarrenari (emakumea), ostera, gidabaimenik gabe gidatzea.