Gizartea -
Istripua Ondarroan
5 txirrindulari zauritu dira Ondarroan, furgoneta batek harrapatuta
Antza, furgoneta errepidetik atera da eta bost txirrindulariak lurrera bota ditu; bat Galdakaoko erietxera eraman dute eta gainerakoek kolpeak soilik zituzten eta istripuaren gunean artatu dituzte.
Erredakzioa
Bost txirrindulari zauritu dira gaur goizean Ondarroako saihesbidetik zihoan furgoneta batek errepidetik atera eta harrapatu ostean. Zaurituetako bat Galdakaoko erietxera eraman dute eta gainerako lauak istripua izan den lekuan bertan artatu dituzte kolpe batzuk soilik zituztelako.
Eusko Jaurlaritzako Herrizaingo Sailetik esan dutenez, istripua goizeko bederatziak aldera gertatu da. Antza, Ford Transit furgoneta BI 633 errepidetik zihoan eta Ondarroako saihesbidearen parean errepidetik atera eta bost txirrindulariak harrapatu ditu.