Furgoneta bateko gidaria larri zauritu da Auritzen izandako trafiko istripuan

Furgoneta bateko gidaria larri zauritu da, gaur goizean, Auritzen izan den trafiko istripuan. Guardia Zibilak jakitera eman duenez, ibilgailua bidetik atera da, Orreagarako noranzkoan.

N-135 errepidean izan da ezbeharra, 46. kilometroan. Suhiltzaileak eta larrialdi zerbitzuetako langileak joan dira istripuaren tokira, zauritua artatzera.

Aurrena, anbulantzian eraman dute zauritutako gizona handik gertu dagoen gasolindegi batera, eta, ondoren, hango aparlekutik helikopteroz eraman dute Nafarroako Ospitalera.

Argazkia: Nafarroako Suhiltzaileak

Gaurdia Zibilak ikerketa zabaldu du, istripuaren nondik norakoak argitzeko.