Gizartea -
Eguraldia
Tenperatura minimoa 28 gradukoa izan da bart Bilbon, eta 26koa Donostian
Gasteizen eta Iruñean, berriz, gehiago freskatu du, 22 gradura eta 18ra jaitsi baita tenperatura, hurrenez hurren.
agentziak | erredakzioa
Tenperatura minimoa ez da 28 gradutik jaitsi Bilbon gaur gauean, eta 26,5ean geratu da Donostian, Aemet Estatuko Meteorologia Agentziak jakinarazi duenez.
Hego-haizearen eraginez, gaueko tenperatura urteko altuenetakoa izan da. Aemetek jasotako datuen arabera, Igeldon 26,5 gradukoa izan da minimoa; 22,7koa, Hondarribiko aireportuan; 28 gradukoa, Loiuko aireportuan; eta 22,5 gradukoa, Forondan. Iruñean, bestalde, gauean gehiago freskatu du, eta 18 gradura jaitsi da tenperatura.
Gaur arratsaldera arte, giro beroa espero da, baina Euskalmetek aldaketa atzeman du; izan ere, haizea hegotik iparrera aldatu da Getxon, eta tenperaturak bost gradu egin du behera Punta Galean 20 minutuko tartean, 28 gradutik 23ra.
