Gizartea -
Trenak
Zuhaitz baten erorketak Andoainen atzerapenak eragin ditu aldiriko trenetan
Andoainen izan da gertakaria. Zuhaitza Adifeko langileek kendu dute, tren zerbitzua berriz normaltasunera itzuli zedin.
eitb.eus
Zuhaitz bat erori da Andoaingo (Gipuzkoa) trenbidearen katenariaren gainean, eta atzerapenak eragin ditu Donostiako aldiriko trenen zerbitzuan.
Guradien etorbidean erori da arbola, Andoaingo geralekutik oso hurbil. Gertakariak sute txiki bat sortu du, eta Irungo noranzkoan trenen zerbitzua eten behar izan dute.
Gipuzkoako herriko Udaltzaingoak jakitera eman duenez, Adifeko langileak zuhaitza kentzen eta trenbidea garbitzen ari dira, zerbitzua berriz normaltasunera itzuli dadin.
Adifek esan duenez, 10 minutu inguruko atzerapenak daude Donostiako aldirietako tren zerbitzuan, baita distantzia luze eta ertaineko trenetan ere.