Gizartea -
Sua
70 urteko gizon bat hil da sute batean, Bilboko erdialdean
Sua etxebizitza batean piztu da, Epaltzaren Alargunaren kalean. Antza denez, etxeko sukaldean leherketa bat izan da. Gainera, udaltzain bat zauritu da kea arnastuta.
eitb.eus
70 urteko gizon bat hil da arratsaldean, sute batean, Bilboko erdialdean, Segurtasun Saileko iturriek baieztatu dutenez. Sua etxebizitza batean piztu da, Epaltzaren Alargunaren kalean.
Gizona erredura larrien ondorioz hil egin da.
Sua 18:00ak aldera piztu da. Antza denez, etxeko sukaldean leherketa bat izan da, eta jarraian sutea hasi da.
Gizona etxe barruan zegoen eta erredura larrien ondorioz hil egin da. Gainera, udaltzain bat zauritu da kea arnastuta, eta artatu behar izan dute.
Suhiltzaileak, Ertzaintza eta Udaltzaingoa bertaratu dira.
19:30etan auzitegiko medikuak etxebizitzan zeuden, gorpuaz arduratzeko.