Gizartea -
Istripua
Bi marinel hil dira Coruñatik gertu, itsasontzia iraulita
Ezbeharra 07:00ak aldera gertatu da, kostatik zortzi miliara, eta ontzian zihoazen beste lau marinel bizirik erreskatatzea lortu dute.
Erredakzioa
Bi marinel hil dira gaur goizean Punta Langosteiratik gertu itsasontzia iraulita, Itsas Salbamenduko iturriek jakitera eman dutenez.
Ezbeharra Coruñatik zortzi miliara gertatu da 07:00ak aldera. Nuevo Luz ontziak berak, irauli denak, eman du abisua hondoratzen ari zela ohartaraziz.
Inguruan zeuden arrantzontziek, eta baita Itsas Salabamenduak ere, bizirik erreskatatu ahal izan dituzte ontzian zihoazen beste lau marinel.
Erreskatatu dituzten arrantzaleak hipotermiak jota zeuden eta Ozako portura eraman ondoren, anbulantziak A Coruñako ospitalera eraman ditu.
Hau zure interesekoa bada, baliteke beste gai hauek ere izatea