Gizartea -
Ezbeharra
Gizon bat hil da Mallabian, moto batek auto baten aurka talka eginda
Gainera, emakume bat zauritu da. Ezbeharra Arrangizgana mendatean jazo da.
AGENTZIAK | ERREDAKZIOA
Gizon bat hil eta emakume bat zauritu da gaur gauean Mallabian (Bizkaia), Arrangizgana mendatean, biak zeramatzan motoak auto baten aurka talka eginda.
Ezbeharra 20:50ean gertatu da, BI-633 errepidean.
Gizonezkoa istripua izan den lekuan bertan hil da. 21 urteko emakumea, berriz, Gurutzetako Ospitalera eraman dute, larri.
Istripuaren ondorioz eta larrialdi zerbitzuen lana errazteko, BI-633 errepidea hainbat orduz itxi dute bertan.
Ertzaintzak ikerketa abiatu du gertaturikoaren nondik norakoak argitzeko.
Hau zure interesekoa bada, baliteke beste gai hauek ere izatea