Itxi

Gizartea

Gipuzkoan

Gizon bat oso larri zauritu da Hernanin patinete elektriko batetik erorita

Euskadi Irratia | Erredakzioa

Ezbeharra Elizatxo auzoan gertatu zen. Gizona konortea galduta aurkitu zuten, pareta baten kontra jo eta buruan kolpe handia hartuta, antza.

Hernanin, 36 urteko gizon bat oso larri zauritu da igande gauean, patinete elektrikoan zihoala ezbeharra izanda. Gizona koma induzituan dago, Hernaniko Udaltzaingoak Euskadi Irratiari jakinarazi dionez.

Ezbeharra Elizatxo auzoan gertatu zen. Lasarten erroldatuta dagoen gizona konortea galduta aurkitu zuten, pareta baten kontra jo eta buruan kolpe handia hartuta, antza. Donostia Ospitalean dago orduz geroztik.

Zaurituak zeraman patineteak gehienez orduko 25 kilometroko abiadura har dezake, eta patinete horien erabilera arautzeko eta ardurak zehazteko, lege aldetik, hutsune handia dagoela eta horrek zalantza asko sortzen dituela adierazi dute kexu Hernaniko udaltzainek.

  • Bisitatuena

      Kargatzen ikusiena
      Kargatzen ikusiena